Sri Krishna Manasa Puja Stotram
श्रीकृष्ण मानस पूजा स्तोत्रम्
श्रीकृष्ण मानस पूजा स्तोत्रम् हिंदी पाठ
Sri Krishna Manasa Puja Stotram in Hindi
हृदम्भोजे कृष्णस्सजलजलदश्यामलतनुः,
सरोजाक्षः स्रग्वी मकुटकटकाद्याभरणवान् ।
शरद्राकानाथप्रतिमवदनः श्रीमुरलिकां,
वहन् ध्येयो गोपीगणपरिवृतः कुङ्कुमचितः ॥ १ ॥
पयोम्भोधेर्द्वीपान्मम हृदयमायाहि भगवन्,
मणिव्रातभ्राजत्कनकवरपीठं भज हरे ।
सुचिह्नौ ते पादौ यदुकुलज नेनेज्मि सुजलैः,
गृहाणेदं दूर्वादलजलवदर्घ्यं मुररिपो ॥ २ ॥
त्वमाचामोपेन्द्र त्रिदशसरिदम्भोऽतिशिशिरं,
भजस्वेमं पञ्चामृतरचितमाप्लावमघहन् ।
द्युनद्याः कालिन्द्या अपि कनककुम्भस्थितमिदं,
जलं तेन स्नानं कुरु कुरु कुरुष्वाचमनकम् ॥ ३ ॥
तटिद्वर्णे वस्त्रे भज विजयकान्ताधिहरण,
प्रलम्बारिभ्रातः मृदुलमुपवीतं कुरु गले ।
ललाटे पाटीरं मृगमदयुतं धारय हरे,
गृहाणेदं माल्यं शतदलतुलस्यादिरचितम् ॥ ४ ॥
दशाङ्गं धूपं सद्वरद चरणाग्रेऽर्पितमिदं,
मुखं दीपेनेन्दुप्रभ विरजसं देव कलये ।
इमौ पाणी वाणीपतिनुत सुकर्पूररजसा,
विशोध्याग्रे दत्तं सलिलमिदमाचाम नृहरे ॥ ५ ॥
सदातृप्ताऽन्नं षड्रसवदखिलव्यञ्जनयुतं,
सुवर्णामत्रे गोघृतचषकयुक्ते स्थितमिदम् ।
यशोदासूनो तत् परमदययाऽशान सखिभिः,
प्रसादं वाञ्छद्भिः सह तदनु नीरं पिब विभो ॥ ६ ॥
सचूर्णं ताम्बूलं मुखशुचिकरं भक्षय हरे,
फलं स्वादु प्रीत्या परिमलवदास्वादय चिरम् ।
सपर्यापर्याप्त्यै कनकमणिजातं स्थितमिदं,
प्रदीपैरारार्तिं जलधितनयाश्लिष्ट रचये ॥ ७ ॥
विजातीयैः पुष्पैरतिसुरभिभिर्बिल्वतुलसी –
युतैश्चेमं पुष्पाञ्जलिमजित ते मूर्ध्नि निदधे ।
तव प्रादक्षिण्यक्रमणमघविद्ध्वंसि रचितं,
चतुर्वारं विष्णो जनिपथगतिश्रान्तिद विभो (श्रान्तविदुषाम्) ॥ ८ ॥
नमस्कारोऽष्टाङ्गस्सकलदुरितध्वंसनपटुः,
कृतं नृत्यं गीतं स्तुतिरपि रमाकान्त सततम् (तत इयम्) ।
तव प्रीत्यै भूयादहमपि च दासस्तव विभो,
कृतं छिद्रं पूर्णं कुरु कुरु नमस्तेऽस्तु भगवन् ॥ ९ ॥
सदा सेव्यः कृष्णस्सजलघननीलः करतले,
दधानो दध्यन्नं तदनु नवनीतं मुरलिकाम् ।
कदाचित् कान्तानां कुचकलशपत्रालिरचना –
समासक्तः स्निग्द्धैस्सह शिशुविहारं विरचयन् ॥ १० ॥
मणिकर्णीच्छया जातमिदं मानसपूजनम् ।
यः कुर्वीतोषसि प्राज्ञः तस्य कृष्णः प्रसीदति ॥ ११ ॥
॥ इति श्रीकृष्ण मानस पूजा स्तोत्रम् सम्पूर्णम् ॥
Sri Krishna Manasa Puja Stotram Lyrics
श्रीकृष्ण मानस पूजा स्तोत्रम् पाठ
hridambhoje krushnassajalajaladashyamalatanuh,
sarojaakshah sragvi makutakatkadyaabharanavan ।
sharadrakanathapratimavadanah shrimuralikam,
vahan dhyeyo gopiganparivrutah kunkumachitah ।। 1 ।।
payombhodherdvipanmam hridayamayaahi bhagavan,
manivratabhrajatkanakavarapitham bhaj hare ।
suchinau te padau yadukulaj nenezmi sujalaih,
gruhaanedam durvadalajalavadarghyam muraripo ।। 2 ।।
tvamachaamopendra tridashasaridambho̕tishishiram,
bhajasvemam panchaamrutarachitamaaplavamaghahan ।
dyunadyah kalindya api kanakakumbhasthitamidam,
jalam ten snanam kuru kuru kurushvachamanakam ।। 3 ।।
tatidvarne vastre bhaj vijayakantadhiharan,
pralambaribhratah mrudulamupavitam kuru gale ।
lalate patiram mrugamadayutam dharaya hare,
gruhaanedam malyam shatadalatulasyadirachitam ।। 4 ।।
dashangam dhoopam sadvarad charanagre̕rpitamidam,
mukham dipenenduprabha virajasam dev kalaye ।
imou pani vanipatinut sukarpurarajasa,
vishodhyagre dattam salilamidamachaam nruhare ।। 5 ।।
sadatrupta̕nnam shadrasavadakhilavyanjanayutam,
suvarnamatre goghrutachashakayukte sthitamidam ।
yashodasuno tat paramadayaya̕shan sakhibhih,
prasadam vanchhadbhih sah tadanu niram pib vibho ।। 6 ।।
sachoornam tambulam mukhashuchikaram bhakshaya hare,
falam svadu pritya parimalavadasvadaya chiram ।
saparyaparyaptyai kanakamanijatam sthitamidam,
pradipairaaraartim jaldhitanayashlisht rachaye ।। 7 ।।
vijatiyaih puspairatisurabhibhirbilvatulsi –
yutaischemam puspanjalimajit te murdhni nidadhe ।
tav pradakshinyakramanamaghaviddhvansi rachitam,
chaturvaram vishno janipathagatishrantid vibho (shrantavidushaam) ।। 8 ।।
namaskaro̕shtangassakalduritadhvansanapatuh,
krutam nrutyam gitam stutirapi ramakant satatam (tat iyam) ।
tav prityai bhuyadahamapi ch dasastav vibho,
krutam chhidram purnam kuru kuru namaste̕stu bhagavan ।। 9 ।।
sada sevyah krushnassajalaghananilah karatale,
dadhano dadhyannam tadanu navanitam muralikam ।
kadachit kantanam kuchakalashapatraalirachana –
samasaktah snigddhaissah shishuviharam virachayan ।। 10 ।।
manikarnicchhaya jatamidam manasapujanam ।
yah kurvitoshasi pragnyah tasya krushnah prasidati ।। 11 ।।
।। iti shrikrushna manas puja stotram sampurnam ।।
Brihad Stotra Ratnakar Book
SKU:
RP2904S063
Original price was: ₹400.00.₹395.00Current price is: ₹395.00.
Brihat Stotra Ratnakar Book
SKU:
RT0105H015
Original price was: ₹300.00.₹295.00Current price is: ₹295.00.
