श्री गंगा स्तोत्रम
Shri Ganga Stotram
श्री गंगा स्तोत्रम हिंदी पाठ
Shri Ganga Stotram in Hindi
देवि सुरेश्वरि भगवति गङ्गे त्रिभुवनतारिणि तरलतरङ्गे ।
शङ्करमौलिविहारिणि विमले मम मतिरास्तां तव पदकमले ॥ १ ॥
भागीरथि सुखदायिनि मातस्तव जलमहिमा निगमे ख्यातः ।
नाहं जाने तव महिमानंपाहि कृपामयि मामज्ञानम् ॥ २ ॥
हरिपदपाद्यतरङ्गिणि गङ्गे हिमविधुमुक्ताधवलतरङ्गे ।
दूरीकुरु मम दुष्कृतिभारं कुरु कृपया भवसागरपारम् ॥ ३ ॥
तव जलममलं येन निपीतं, परमपदं खलु तेन गृहीतम् ।
मातर्गङ्गे त्वयि यो भक्तः किल तं द्रष्टुं न यमः शक्तः ॥ ४ ॥
पतितोद्धारिणि जाह्नवि गङ्गे खण्डितगिरिवरमण्डितभङ्गे ।
भीष्मजननि हे मुनिवरकन्ये, पतितनिवारिणि त्रिभुवनधन्ये ॥ ५ ॥
कल्पलतामिव फलदां लोके, प्रणमति यस्त्वां न पतति शोके ।
पारावारविहारिणि गङ्गे विमुखयुवतिकृततरलापाङ्गे ॥ ६ ॥
तव चेन्मातः स्रोतःस्नातः पुनरपि जठरे सोऽपि न जातः ।
नरकनिवारिणि जाह्नवि गङ्गे कलुषविनाशिनि महिमोत्तुङ्गे ॥ ७ ॥
पुनरसदङ्गे पुण्यतरङ्गे जय जय जाह्नवि करुणापाङ्गे ।
इन्द्रमुकुटमणिराजितचरणे सुखदे शुभदे भृत्यशरण्ये ॥ ८ ॥
रोगं शोकं तापं पापं हर मे भगवति कुमतिकलापम् ।
त्रिभुवनसारे वसुधाहारे त्वमसि गतिर्मम खलु संसारे ॥ ९ ॥
अलकानन्दे परमानन्दे कुरु करुणामयि कातरवन्द्ये ।
तव तटनिकटे यस्य निवासः खलु वैकुण्ठे तस्य निवासः ॥ १० ॥
वरमिह नीरे कमठो मीनः किं वा तीरे शरटः क्षीणः ।
अथवा श्वपचो मलिनो दीनस्तव न हि दूरे नृपतिकुलीनः ॥ ११ ॥
भो भुवनेश्वरि पुण्ये धन्ये देवि द्रवमयि मुनिवरकन्ये ।
गङ्गास्तवमिमममलं नित्यं पठति नरो यः स जयति सत्यम् ॥ १२ ॥
येषां हृदये गङ्गाभक्तिस्तेषां भवति सदा सुखमुक्तिः ।
मधुराकान्तापज्झटिकाभिः परमानन्दकलितललिताभिः ॥ १३ ॥
गङ्गास्तोत्रमिदं भवसारं वाञ्छितफलदं विमलं सारम् ।
शङ्करसेवकशङ्कररचितं पठति सुखी स्तव इति च समाप्तः ॥ १४ ॥
देवि सुरेश्वरि भगवति गङ्गे त्रिभुवनतारिणि तरलतरङ्गे ।
शङ्करमौलिविहारिणि विमले मम मतिरास्तां तव पदकमले ॥
॥ इति श्री गंगा स्तोत्रम सम्पूर्णम् ॥
Shri Ganga Stotram Lyrics
श्री गंगा स्तोत्रम पाठ
devi sureshvari bhagavati gange tribhuvantarini taralatarange ।
shankaramauliviharini vimale mam matirastam tav padakamale ।। 1 ।।
bhagirathi sukhdayini matastav jalamahima nigame khyatah ।
naham jane tav mahimanampahi krupaamayi maamagnyanam ।। 2 ।।
haripadapadyatarangini gange himvidhumuktadhavalatarange ।
durikuru mam duskrutibharam kuru krupaya bhavasagarparam ।। 3 ।।
tav jalamamalam yen nipitam, paramapadam khalu ten grihitam ।
matargange tvayi yo bhaktah kil tam drashtum na yamah shaktah ।। 4 ।।
patitoddharini janavi gange khanditagirivaramanditabhange ।
bhishmajanani he munivarakanye, patitanivarini tribhuvandhanye ।। 5 ।।
kalpaltamiv faladam loke, pranamati yastvaam na patati shoke ।
paravaraviharini gange vimukhayuvatikrutatarlapaange ।। 6 ।।
tav chenmatah srotahsnatah punarapi jathare so̕pi na jatah ।
narakanivarini janavi gange kalushavinashini mahimottunge ।। 7 ।।
punarasadange punyatarange jaya jaya janavi karunaapaange ।
indramukutamanirajitacharane sukhade shubhade bhrutyasharanye ।। 8 ।।
rogam shokam tapam papam har me bhagavati kumatikalapam ।
tribhuvanasare vasudhahare tvamsi gatirmam khalu sansare ।। 9 ।।
alakanande paramanande kuru karunamayi kaataravandye ।
tav tatnikate yasya nivasah khalu vaikunthe tasya nivasah ।। 10 ।।
varamih nire kamatho minah kim va tire sharatah kshinah ।
athava shvapacho malino dinastav na hi dure nrupatikulinah ।। 11 ।।
bho bhuvaneshvari punye dhanye devi dravamayi munivarakanye ।
gangastavamimamamalam nityam pathati naro yah sa jayati satyam ।। 12 ।।
yesham hridaye gangabhaktistesham bhavati sada sukhamuktih ।
madhurakantapajjhatikabhih paramanandakalitalalitabhih ।। 13 ।।
gangastotramidam bhavasaram vanchhitfaladam vimalam saram ।
shankarasevkashankarrchitam pathati sukhi stav iti ch samaaptah ।। 14 ।।
devi sureshvari bhagavati gange tribhuvantarini taralatarange ।
shankaramauliviharini vimale mam matirastam tav padakamale ॥
॥ iti shri ganga stotram sampurnam ॥
Brihad Stotra Ratnakar Book
SKU:
RP2904S063
Original price was: ₹400.00.₹395.00Current price is: ₹395.00.
Brihat Stotra Ratnakar Book
SKU:
RT0105H015
Original price was: ₹300.00.₹295.00Current price is: ₹295.00.
