Shri Ramchandra Ashtakam
श्री रामचंद्रा अष्टकम

श्री रामचंद्रा अष्टकम हिंदी पाठ
Shri Ramchandra Ashtakam in Hindi

चिदाकारो धाता परमसुखद: पावनतनुर्मुनीन्द्रैर्योगीन्द्रैर्यतिपतिसुरेन्द्रैर्हनुमता ।
सदा सेव्य: पूर्णो जनकतनयांग सुरगुरु रमानाथो रामो रमतु मम चित्ते तु सततम् ।। 1 ।।

मुकुन्दो गोविन्दो जनकतनयालालितपद: पदं प्राप्ता यस्याधमकुलभवा चापि शबरी ।
गिरातीतोऽगम्यो विमलधिषणैर्वेदवचसा । रमा. ।। 2 ।।

धराधीशोऽधीश: सुरनरवराणां रघुपति: किरीटी केयूरी कनककपिश: शोभितवपु: ।
समासीन: पीठे रविशतनिभे शांतमनसो । रमा. ।। 3 ।।

वरेण्य: शारण्य: कपिपतिसखश्चान्तविधरो ललाटे काश्मीरो रुचिरगतिभंग शशिमुख: ।
नराकारो रामो यतिपतिनुत: संसृतिहरो । रमा. ।। 4 ।।

विरूपाक्ष: काश्यामुपदिशति यन्नाम शिवदं सहस्त्रं यन्नाम्नां पठति गिरिजा प्रत्युषसि वै ।
स्वलोके गायन्तीश्वरविधिमुखा यस्य चरितं । रमा. ।। 5 ।।

परो धीरोऽधीरोऽसुरकुलभवश्चासुरहर: परात्मा सर्वज्ञो नरसुरगणैर्गीतसुयशा: ।
अहल्याशापघ्न: शरकरऋजु: कौशिकसखो । रमा. ।। 6 ।।

ऋषिकेश: शौरिर्धरणिधरशायी मधुरिपुरुपेन्द्रो वैकुण्ठो गजरिपुहरस्तुष्टमनसा ।
बलिध्वंसी वीरो दशरथसुतो नीतिनिपुणो । रमा. ।। 7 ।।

कवि: सौमित्रीडय: कपटमृगघाती वनचरो रणश्लाघी दान्तो धरणिभरहर्ता सुरनुत: ।
अमानी मानज्ञो निखिलजनपूज्यो ह्रदिशयो । रमा. ।। 8 ।।

इदं रामस्तोत्रं वरममरदासेन रचितमुष:काले भक्त्या यदि पठति यो भावसहितम् ।
मनुष्य: स क्षिप्रं जनिमृतिभयं तापजनकं परित्यज्य श्रेष्ठं रघुपतिपदं याति शिवदम् ।। 9 ।।

।। इति श्री रामचंद्रा अष्टकम सम्पूर्णम् ।।