Radhika Dipa Ashtakam
राधिकाधिपाष्टकम्
Radhika Dipa Ashtakam in Hindi
राधिकाधिपाष्टकम् हिंदी पाठ
कुङ्कुमाक्तकाञ्चनाब्ज गर्वहारि गौरभा,
पीतनाञ्चिताब्जगन्धकीर्तिनिन्दसौरभा ।
वल्लवेशसूनु सर्ववाञ्छितार्थसाधिका,
मह्यमात्मपादपद्मदास्यदाऽस्तु राधिका ॥ १ ॥
कौरविन्दकान्तनिन्दचित्रपत्रशाटिका,
कृष्णमत्तभृङ्गकेलि फुल्लपुष्पवाटिका ।
कृष्णनित्यसङ्गमार्थपद्मबन्धुराधिका,
मह्यमात्मपादपद्मदास्यदाऽस्तु राधिका ॥ २ ॥
सौकुमार्यसृष्टपल्लवालिकीर्तिनिग्रहा,
चन्द्रचन्दनोत्पलेन्दुसेव्यशीतविग्रहा ।
स्वाभिमर्शवल्लवीशकामतापबाधिका,
मह्यमात्मपादपद्मदास्यदाऽस्तु राधिका ॥ ३ ॥
विश्ववन्द्ययौवताभिवन्दतापि या रमा,
रूपनव्ययौवनादिसम्पदा न यत्समा ।
शीलहार्दलीलया च सा यतोऽस्ति नाधिका,
मह्यमात्मपादपद्मदास्यदास्तु राधिका ॥ ४ ॥
रासलास्यगीतनर्मसत्कलालिपण्डिता,
प्रेमरम्यरूपवेशसद्गुणालिमण्डिता ।
विश्वनव्यगोपयोषिदालितोपि याऽधिका,
मह्यमात्मपादपद्मदास्यदाऽस्तु राधिका ॥ ५ ॥
नित्यनव्यरूपकेलिकृष्णभावसम्पदा,
कृष्णरागबन्धगोपयौवतेषु कम्पदा ।
कृष्णरूपवेशकेलिलग्नसत्समाधिका,
मह्यमात्मपादपद्मदास्यदाऽस्तु राधिका ॥ ६ ॥
स्वेदकम्पकण्टकाश्रुगद्गदादिसञ्चिता,
मर्षहर्षवामतादि भावभूषणाञ्चिता ।
कृष्णनेत्रतोषिरत्नमण्डनालिदाधिका,
मह्यमात्मपादपद्मदास्यदाऽस्तु राधिका ॥ ७ ॥
या क्षणार्धकृष्णविप्रयोगसन्ततोदिता-,
नेकदैन्यचापलादिभाववृन्दमोदिता ।
यत्नलब्धकृष्णसङ्गनिर्गताखिलाधिका,
मह्यमात्मपादपद्मदास्यदाऽस्तु राधिका ॥ ८ ॥
अष्टकेन यस्त्वनेन नौति कृष्णवल्लभां,
दर्शनेऽपि शैलजादियोषिदालिदुर्लभाम् ।
कृष्णसङ्गनन्दतात्मदास्यसीधुभाजनं,
तं करोति नन्दतालिसञ्चयाशु सा जनम् ॥ ९ ॥
॥ इति राधिकाधिपाष्टकम् सम्पूर्णम् ॥
Radhika Dipa Ashtakam Lyrics
राधिकाधिपाष्टकम् पाठ
kunkumakta-kancanabja-garva-hari-gaurabha
pitanancitabja-gandha-kirti-nindi-saurabha
ballavesa-sunu-sarva-vancitartha-sadhika
mahyam atma-pada-padma-dasya-dastu radhika
kauravinda-kanti-nindi-citra-patta-satika
krsna-matta-bhrnga-keli-phulla-puspa-vatika
krsna-nitya-sangamartha-padma-bandhu-radhika
mahyam atma-pada-padma-dasya-dastu radhika
saukumarya-srsta-pallavali-kirti-nigraha
candra-candanotpalendu-sevya-sita-vigraha
svabhimarsa-ballavisa-kama-tapa-badhika
mahyam atma-pada-padma-dasya-dastu radhika
visva-vandya-yauvatabhivanditapi ya rama
rupa-navya-yauvanadi-sampada na yat-sama
sila-harda-lilaya ca sa yato ‘sti nadhika
mahyam atma-pada-padma-dasya-dastu radhika
rasa-lasya-gita-narma-sat-kalali-pandita
prema-ramya-rupa-vesa-sad-gunali-mandita
visva-navya-gopa-yosid-alito ‘pi yadhika
mahyam atma-pada-padma-dasya-dastu radhika
nitya-navya-rupa-keli-krsna-bhava-sampada
krsna-raga-bandha-gopa-yauvatesu kampada
krsna-rupa-vesa-keli-lagna-sat-samadhika
mahyam atma-pada-padma-dasya-dastu radhika
sveda-kampa-kantakasru-gadgadadi-sancita
marsa-harsa-vamatadi-bhava-bhusanancita
krsna-netra-tosi-ratna-mandanali-dadhika
mahyam atma-pada-padma-dasya-dastu radhika
ya ksanardha-krsna-viprayoga-santatodita-
neka-dainya-capaladi-bhava-vrnda-modita
yatna-labdha-krsna-sanga-nirgatakhiladhika
mahyam atma-pada-padma-dasya-dastu radhika
astakena yas tv anena nauti krsna-vallabham
darsane ‘pi sailajadi-yosidali-durlabham
krsna-sanga-nanditatma-dasya-sidhu-bhajanam
tam karoti nanditali-sancayasu sa janam
॥ iti radhikaadhipashtakam sampurnam ॥
Brihad Stotra Ratnakar Book (Sanskrit)
SKU:
RP2904S063
Original price was: ₹400.00.₹395.00Current price is: ₹395.00.
Brihat Stotra Ratnakar Book
SKU:
RT0105H015
Original price was: ₹300.00.₹295.00Current price is: ₹295.00.
