श्री शिवनामावल्य अष्टकम्/Shiv Namavali Ashtakam
श्री शिवनामावल्य अष्टकम्/Shiv Namavali Ashtakam
हे चन्द्रचूड मदनान्तक शूलपाणे, स्थाणो गिरीश गिरिजेश महेश शंभो ।
भूतेश भीतभयसूदन मामनाथं, संसारदुःखगहनाज्जगदीश रक्ष ॥ १॥
हे पार्वतीहृदयवल्लभ चन्द्रमौले, भूताधिप प्रमथनाथ गिरीशचाप ।
हे वामदेव भव रुद्र पिनाकपाणे, संसारदुःखगहनाज्जगदीश रक्ष ॥ २॥
हे नीलकण्ठ वृषभध्वज पञ्चवक्त्र, लोकेश शेषवलय प्रमथेश शर्व ।
हे धूर्जटे पशुपते गिरिजापते मां, संसारदुःखगहनाज्जगदीश रक्ष ॥ ३॥
हे विश्वनाथ शिव शंकर देवदेव, गङ्गाधर प्रमथनायक नन्दिकेश ।
बाणेश्वरान्धकरिपो हर लोकनाथ, संसारदुःखगहनाज्जगदीश रक्ष ॥ ४ ॥
वाराणसीपुरपते मणिकर्णिकेश, वीरेश दक्षमखकाल विभो गणेश ।
सर्वज्ञ सर्वहृदयैकनिवास नाथ, संसारदुःखगहनाज्जगदीश रक्ष ॥ ५॥
श्रीमन्महेश्वर कृपामय हे दयालो, हे व्योमकेश शितिकण्ठ गणाधिनाथ ।
भस्माङ्गराग नृकपालकलापमाल, संसारदुःखगहनाज्जगदीश रक्ष ॥ ६॥
कैलासशैलविनिवास वृषाकपे हे, मृत्युंजय त्रीनयन त्रिजगन्निवास ।
नारायणप्रिय मदापह शक्तिनाथ, संसारदुःखगहनाज्जगदीश रक्ष ॥ ७॥
विश्वेश विश्वभवनाशक विश्वरूप, विश्वात्मक त्रिभुवनैकगुणाधिकेश ।
हे विश्वनाथ करुणामय दीनबन्धो, संसारदुःखगहनाज्जगदीश रक्ष ॥ ८॥
गौरीविलासभवनाय महेश्वराय, पञ्चाननाय शरणागतकल्पकाय ।
शर्वाय सर्वजगतामधिपाय तस्मै, दारिद्र्यदुःखदहनाय नमः शिवाय ॥ ९॥
॥ इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छंकरभगवतः कृतौ शिवनामावल्यष्टकं संपूर्णम् ॥
Shiv Namavali Ashtakam/श्री शिवनामावल्य अष्टकम्
he candracuda madanantaka sulapane
sthano girisa girijesa mahesa sambho ।
bhutesa bhitabhayasudana mamanatham
samsaraduhkhagahanajjagadisa raksa ॥ 1 ॥
he parvatihrdayavallabha candramaule
bhutadhipa pramathanatha girisacapa ।
he vamadeva bhava rudra pinakapane
samsaraduhkhagahanajjagadisa raksa ॥ 2 ॥
he nilakantha vrsabhadhvaja pancavaktra
lokesa sesavalaya pramathesa sarva ।
he dhurjate pasupate girijapate mam
samsaraduhkhagahanajjagadisa raksa ॥ 3 ॥
he visvanatha siva samkara devadeva
gaṅgadhara pramathanayaka nandikesa ।
banesvarandhakaripo hara lokanatha
samsaraduhkhagahanajjagadisa raksa ॥ 4 ॥
varanasipurapate manikarnikesa
viresa daksamakhakala vibho ganesa ।
sarvajna sarvahrdayaikanivasa natha
samsaraduhkhagahanajjagadisa raksa ॥ 5 ॥
srimanmahesvara krpamaya he dayalo
he vyomakesa sitikantha ganadhinatha ।
bhasmaṅgaraga nrkapalakalapamala
samsaraduhkhagahanajjagadisa raksa ॥ 6 ॥
kailasasailavinivasa vrsakape he
mrtyumjaya trinayana trijagannivasa ।
narayanapriya madapaha saktinatha
samsaraduhkhagahanajjagadisa raksa ॥ 7 ॥
visvesa visvabhavanasaka visvarupa
visvatmaka tribhuvanaikagunadhikesa ।
he visvanatha karunamaya dinabandho
samsaraduhkhagahanajjagadisa raksa ॥ 8 ॥
gaurivilasabhavanaya mahesvaraya
pancananaya saranagatakalpakaya ।
sarvaya sarvajagatamadhipaya tasmai
daridryaduhkhadahanaya namah sivaya ॥ 9 ॥
iti srimatparamahamsaparivrajakacaryasya
sri govindabhagavatpujyapadasisyasya
sri macchamkarabhagavatah krtau sivanamavalyastakam sampurnam ॥
